Petešić

Sep 7, 2017 od     Nema komentara    Objavljeno u: Aktualno, Osobni dojmovi

Ča je Bela nedeja bez petešića? 

Judi ki štimaju Belu nedeju va deveten mesece dani do Bele nedeje računaju po crkveneh belagdaneh i to: Križevica, Matejna, Mihoja i onput pride Bela nedeja kada se gre va Kastav na feštu mladega vina. Osim po kastavskoj belice Kastav je poznat i po Petešićeh ki zafiču kad im se puhne vrit. Zgjeda da su prvi petešići va Kastve pošeli prodavat slovenci z Ribnice i zgledali su kot mića bukaleta, a pokle su prišli oni ki zgledaju kot pravi petešići.

Jednega od petešići imamo i mi va kuće, pa pročitajte kako je pul nas prišal.

 

„Pred čuda let si prišal s kastavskega brega z Bele nedeje va Zamet.

Kada se vate naleje kap vode i puhne vavek lepo zafičeš.

Koliko judi je vate nalevalo kap vode i puhalo , a ti si in lepo fikal.

Puno od njih već ni živeh, a i ja san vate puhal pa ću i ja jednega dana za njimi poć,

a ti ćeš i daje čekat da neki vate leje kap vode i puhne kako biš i njemu lepo zafikal,

aš si ti jedan Petešič kemu se puše vrit.“

Nema komentara. Budi prvi!

Ostavite Vaš komentar!

Napomena: polja označena zvjezdicom (*) su obvezna.

Skip to content