Šterna

Jun 28, 2017 od     Nema komentara    Objavljeno u: Aktualno, Osobni dojmovi

Ča je se pasala jedna stara zametska šterna, od leta 1913.?  Ima 104 leta i ki zna koliko će još let tamo bit…

Kolikeh judi se je oko mane sastajalo, ćakulalo i kalao vodu. Koliko puti su judi hitili sić kroz moje grlo kako bi zakalali vodu, aš nekad ni bilo špini po kućah.

A ćakulalo se je o jubavi, problemi, mižeriji, bilo je ogovaranja,a i judi su se znali i pokarat. Kad bin van mogla povedet ča san se čula va mojen živote to bi bila altroke serija va nastavkeh.

Trpela san bure, juga i sakakovi vetri. Trpela san teplinu i mrzlinu pa mi je grlo znalo bit so zaleđeno. Trpela san dažji i snegi. sega san provala va mojen živote i još san vavek tu živa i zdrava iako fanj stara.

I bit ću tu dok me kakovi judi ne budu zrušili aš će reć da nisan moderna.

No pitate se ka san ja,  pa je red da van se i predstavin. Ja san van jedna zametska šterna rojena 1913. leta pa vi sami zračunajte koliko iman let.

Klub starijih osoba Zamet

Silvio Skok

 

Nema komentara. Budi prvi!

Ostavite Vaš komentar!

Napomena: polja označena zvjezdicom (*) su obvezna.