Čekaj

Nov 27, 2017 od     1 komentar     Objavljeno u: Aktualno, Osobni dojmovi

U životu stalno nešto čekamo, a da li dočekamo?

     Kad san bil mići i neč otel storit su mi rekli, čekaj dok ne budeš šal va školu,

a kad san počel hodit va školu onda  su mi rekli, čekaj dok ne budeš malo stareji i ne budeš šal va  srednju školu.

     Šal san i va srednju školu, a onda su mi rekli čekaj dok ne finiš školu i dok ne budeš šal na fakultet.

     Pasal je fakultet i vojska, a ja san još vavek moral neč čekat.

     Prišlo je delo i kad san misel da san neč dočekal, morda kakovo boje mesto, opet su  mi rekli čekaj ko leto još si mlad komać si počel delat.

     Pasalo je i ko leto na dele i misel san da san neč dočekal, a onda su mi rekli da sad treba dat priliku mlajemi aš da sam već prestar i da san već puno tega va živote doživel.

     Sada san va penzije i već niman  ča čekat osim partencu na drugi svet, a kad se obrnen oko sebe vidin da san malo ča va živote dočekal i bit će da je moja nona imela pravo kad mi je govorila:“ Mali moj nedaj kad moreš, nedaj kad nemoreš, onda nikada.“

Za klub Zamet, Skok Silvio

1 Komentar + Dodajte komentar

  • Još uvijek trebamo imati nadu da ćemo dočekati nešto lijepo i pozitivno naročito ako se sami oko toga potrudimo. Gosp. Silvio uvijek ima nježne i srcedrapajuće tekstove Čekati na njih je jedno ugodno
    ČEKAJ

Ostavite Vaš komentar!

Napomena: polja označena zvjezdicom (*) su obvezna.


Rispekt
Skip to content